Keumandum wareh deelat Atjeh Meurdehka, tjik putik tuha muda, djak saban-saban geutanyo mandum ta pudjo po teuh ALLAH Swt djang ka geu brie keumulian ateuh bumo syurga Atjeh Darussalam geutanyo nyo nakeuh saboh keumulian djang that rayeuk dan that meusyuhu dimandum nanggro peradaban Revolusi Islam masa Sultan Iskandar Muda, that dituri dan disandjong kareuna Islam geutanyo paleng Kaffah di Benua Asia (Al-Asyi). Alhamdulillah.
Meunancit bek ta piyoh ta meulake mandum rahmat dan seudjahtra keu pang ulee ummah, Muhammad Rasulullah Saw, sidro pahlawan Revolusi Islam djang lamboeng that budi peukerti dan sopan peuyaba gotnyan dalam geubina geutanyo mandum dalam geunareh lage meutuleh dalam Kitabullah Al-Qur'an yang wajeb ta laksanakan agar geutanyo meusapat sadjan gotnyan diuro keuneuleuh. Amin Ya Rabbal Alamin.
Ulountuan peutrang bacut bahawa geutanyo nyo nakeuh saboh bangsa atawa negara yang ka sah diateuh donya nyo dari 1000 thoun ulikot, Hantoum na dari sidro biek Keradjeun atawa Wali geutanyo Atjehnyo djang ditem peudjok bangsa Atjehnyo keu bangsa laen atawa peundjajah untok diato le djih,pu loum bangsa laennyan nakeuh saboh bangsa djang hana dimeuneumat bak Asyifatullah,djan wajeb ta meudep dan ta mate ateuh meuneumatnyan. bahpih na sidro dro djang ka dimenyerah bak peundjajahnyan dan djeut keu djaro gaki djih tapi ka geuhukom mate langsoeng le drogeuh khalifah Atjehnyo.
Teuma djang ta kalon bak urounyo, nakeuh seudjarahnyan ka meuulang-ulang loum bak shot, perseh lage seudjarah bak thoun 1902 (Tjut Njak Dhien), Diwatenyan nasit sidro dua dro, peurte peurte djang teumakot keu gasien, peurte-peurte djang teumakot keu mate dan peurte-peurte djang grah keu pangkat dan djabatan dan didjak peusaboh droih bak musoh bangsa untok dipeudjeut droih keu sidro ureung djang rayeuk pangkat dan harta deungoun alasan demi untok keselamatan Rakyat. Tapi masanyan, mandum peurte-peurtenyan ka geuhukom mate mandum le drogeuh khalifah Atjehnyo, dan bak urounyo peurte-peurtenyan nakeuh keturunan djih djang ka leumak diduk bak tampok peundjajah.
Bak uro djang akan trok ukei nyo, geutanyo mandum akan ta keunang dan ta ingat keulai pu-pu mantoung keudjadian ateuh bumo Atjehnyo djang golom seuleuso, kareuna meunye ta peutuwo mandum atra ulikotnyan ka pasti akan digilho geutanyo bak masa ukei (jangan lupakan masa silam agar kita tidak digilas di masa depan) Red Sultan Maimun Deli.
Pu teuma djang akan teurdjadi dari mandum seudjarah djang ka ulikot dan pu djang akan ta pubut ukeinyo, Nakeuh untok ta tuntot mandum hak kemanusian djang that rayeuk geutuleh lam Al-Qur'an bahawa "hana hukoem djang patot ta meuhukom seulaen hukom ALLAH Swt" Al-Maidah, " sidro muslim djang dipoh mate ateuh sidro muslem maka wajeb ateuh Qishas muslemnyan atawa mandum geutanyo akan dituntot diuro keuneuleuh" Alkitab Fathul Muin Yannah. nyolah hukom kemanusian atawa HAM djang that sah dan wajeb ta laksanakan koun hukom djang dipeugod le ureung dan djeut diubah-ubah lage keuneuheut djih dan hareum ateuh geutanyo mandum.
Perdjuangan untok ta peudoung deelat ALLAH Swt ateuh teumpat geutanyo tinggai atawa bangsa geutanyo nakeuh Fardhu A'in (wajeb), kiban peukara wajebnyan nakeuh "Mayushabu ala fi'lih Wayuakabu ala tarkieh" ,wajeb ateuh sidro ureung pu loum ureungnyan nakeuh sidro peumimpin bangsa, meunye hana meunan maka ureungnyan akan djeut keu sidro kafe.
Perdjuangan djang ka geupeunyata le mandum pedjuang awai, nakeuh mandum ateuh geunareh Islam, geunareh djang wajeb ta mate ateuh perdjuangannyan. Perdjuangannyan nakeuh lage DI/TI dan meusambong loum ngoun ASNLF/AM/GAM. Mandum pedjuang nyo geumusumpah ateuh geunareh Al-Qur'an dan geumeneumat bak firman hadist qiyas itjma ulama, Perdjuangannyo nakeuh sama lage pu djang geuperdjuangkan le Rasulullah Saw,hana beda.
Uronyo geutanyo mandum nakeuh wareh dari ureung-ureungnyan dan na hak ateuh geutanyo untok ta peunyata droteuh sama lage ureung-ureungnyan peunyata sit, dan na hak sit beugi geutanyo untok ta tuntot mandum pu pu mantoung lage djang geutuntot le ureung-ureungnyan sit, dari hukom seudjarah ekonomi pendidikan dan peukara nyawoung bangsa. Mandum sarana dan fasilitas kana, tinggai dari itikeud dan niet dro teuh sagai untok ta peunyata tuntotan bangsanyo deungon cara djang sopan haloh beretika dan tanpa anarkis, supaya nak na simpati dari mandum nanggro lua djang kaleuh ta lobi wate lheuh MoU helsinki, untok ta peunyata loum bak 4 desembe 2013 nyo. Mandum perdjuangan akan na hase seulama niet dan tudjuan tanyo hanya keu po teuh ALLAH Swt. Geutanyo hanya ta berdjuang deungon sigala daya dan upaya djang na sadjan droteuh, peukara hase nyo mandum ta pu wo bak po teuh ALLAH Swt.
"Wabillah Hakkul Binafsih Wala Binafsih Hakkul Minannar"
Was'salamu'alaikom Wr.Wb
Penulis : Teuku Amru Al-Hamidi
Isi Komentar Anda
Komentar adalah tanggapan pribadi, tidak mewakili kebijakan redaksi Developers Blogger. Redaksi berhak mengubah atau menghapus kata-kata yang tidak etis, kasar, berbau fitnah dan pelecehan, intimidasi, bertendensi suku, agama, ras, dan antar golongan. Setiap komentar sepenuhnya menjadi tanggung jawab pengirim.